-->

طريقه عمل الكحك الفاخر الناعم

وصفه عمل الكحك الفاخر الناعم فى المنزل بكل سهوله

محتويات مقاله طريقه عمل الكحك الفاخر الناعم

- مقادير عمل الكحك الفاخر الناعم .
- طريقه عمل الكحك الفاخر الناعم .
- طريقه تسويه الكحك الفاخر الناعم .
فى التدوينه ديه هنعرف اسهل طريقه نقدر نعمل بيها الكحك الفاخر و اللي بيكون ناعم بكل سهوله فى البيت.
طريقه عمل الكحك الفاخر الناعم


مقادير عمل الكحك الفاخر الناعم

ربع كيلو سمنه بلدي (مقدوحه) يعني مغليه على النار 250 جرام , يعملو عدد اثنين و ربع كوبايه .
400 جرام دقيق ابيض فاخر , حوالي ثلاث كوبايات.
80 جرام من النشا.
رشه من الملح صغيره .
ملعقه كبيره من ريحه الكحك.
ملعقه صغيره من الخميره .
ملعقه صغيره من السكر.
عدد 4 ملعقه كبيره من الماء الفاتر.

طريقه عمل الكحك الفاخر الناعم 

نحضر اربعه ملاعق من المياه و نضيف عليهم الخميره و نضيف عليها السكر و نقلبها و نسبها على جنب لحد ما نحضر باقي المكونات ,

نجيب الدقيق و نحط عليه النشا و نقلبهم فى بعض و نضيف عليهم ريحه الكحك و ديه بتدي الكحك طعم جميل و نبدأ نحط السمسم و بعد كده نضع عليهم السمنه البلدي المقدوحه يعني متسخنه علي النار ,

نبدأ نقلب الخليط جيد جدا و نبدأ نعجن المكونات مع بعض بسرعه لحد ما نلاقي المكونات كلها اتمزجت ببعض ,

الخطوه اللي بعد كده هنضيف عليها الخميره الممزوجه بالمياه و نبدأ نقلب الخليط كله مع بعض ( نعجنه مع بعض )
نبدأ نشكل الكحك علي حسب الرغبه و الشكل المطلوب للكحك و نقرص و نشكل براحتنا ,

و نتأكد ان الفرن سخن علي درجه حراره 200 درجه,
و نبدأ ندخل الكحك فى الفرن عشان يستوي و نتأكد ان الكحك خج اللون الدهبي عشان نكون متأكدين انها استوت كويس و يبقا الطعم حلو جدا و ديه من اسهل الطريق اللي تقدري تعملي بيها الكحك فى البيت و يكون فاخر زي اللي بنشتريه من افخر المحلات اللي بتبيع الكحك الفاخر ,

وكده يعتبر الطريقه بتاعه عمل الكحك الفاخر و الناعم فى المنزل بكل سهوله .
احمد فؤاد
كاتب المقالة
كاتب ومحرر اخبار اعمل في موقع DocTorWasFa .

جديد قسم : وصفات اكل

إرسال تعليق