-->

وصفه عمل الارز باللبن مثل المحلات

طريقه عمل الارز باللبن زي بتاع المحلات 

محتويات مقاله طريقه عمل الارز باللبن زي بتاع المحلات

-مقادير عمل الارز باللبن .
-طريقه عمل الارز باللبن .
-خطوات عمل الارز باللبن فى المنزل .
فى المقاله ديه هنعرف ازاي نعمل الارز باللبن زي المحلات و احلي كمان من الارز باللبن اللي بتشتريه من المحلات و طريقه سهله جدا .

وصفه عمل الارز باللبن مثل المحلات

مقادير عمل الارز باللبن 

هناحتاج كبايه ازر و يكون نضيف عشان لما نغسله يبقا غسله خفيفه و منفقدش كميه كبيره من النشا الموجود فى الارز.
عدد 2 كوب من السكر .
عدد ملعقتين كبار من النشا.
نصف ملعقه صغيره من الفانيليا ما يعادل 2 باكيت صغير.
نصف ملعقه من الملح .
كيلو من اللبن المعلب اي نوع.
اما بقا للتزيين هنستخدم جوز هند و زبيب و مكسرات حسب الرغبه,
و ممكن نضيف ملعقتين كبار من اللبن البودره .


طريقه عمل الارز باللبن

كوبايه الارز لازم نغسلها بالمياه غسله خفيفه و نضيف عليها كوب من المياه و كوب من اللبن و نسيبهم لمده ساعتين و ديه خطوه اساسيه و ده بيخيلي الارز يستوي بسرعه و بيخلي الارز يشرب من اللبن ,

هنحط حله على النار و نحط لتر من المياه و نسيبها تغلي و بعد كده نضيف الارز بعد ما يكون خد وقته مع الميه و اللبن و نضيف الملح و نسيبه على نار هاديه لحد لما الارز يستوي ,

و لازم من وقت للتاني نقلب براحه عشان الارز ميلزقش فى الحله او يتحرق و ممكن ياخد 10 دقائق على حد اقرب و الطريقه ديه حلوه و جدا و متأكد انها هتعجبكم جدا ,

بعد كده هنحط كيلو اللبن المعلب من اي نوع متوفر و نضيفه كله فى الحله ,

الخطوه اللي بعد كده نضيف نصف ملعقه الفانيليا 
و نسبها لحد ما يدي القوام التقيل و انتي بتقلبي هتحسي انه بدأ يتقل
بعد كده نحط السكر و ممكن تقللي عن الكميه ديه علي حسب الرغبه طبعا , و نبدأ نقلب بهدوء .

المرحله الاخيره نحط النشا و النيدو مع كبايه فى النهايه وديه هتخلي الارز باللبن طعمه جميل جدا و هيعجبك اكثر من الارز باللبن اللي بيتباع فى المحلات ,
نبدأ نخرج الارز باللبن من الحله فى اطباق و نبدأ نحط التزيين بتاع الاطباق من المكسرات و الزبيب علي حسب الرغبه ,
مبرك عليكي افضل وصفه لعمل الارز باللبن بسهوله جدا .

احمد فؤاد
كاتب المقالة
كاتب ومحرر اخبار اعمل في موقع DocTorWasFa .

جديد قسم : وصفات اكل

إرسال تعليق